دبئی : متحدہ عرب امارات (یو اے ای) میں غیرملکیوں کیلئے خصوصی ویزا ایمنسٹی اسکیم متعارف کرائی گئی ہے جس باقاعدہ کا آغاز ہوگیا ہے۔
رپورٹ کے مطابق مذکورہ اسکیم ایسے تارکین وطن کے لیے ہے جو قانونی طور پر امارات میں داخل تو ہوئے لیکن انہوں نے مدت ختم ہونے کے بعد ویزے کی تجدید نہیں کروائی اور غیرقانونی طور پر مقیم ہیں۔
یو اے ای حکومت کی جانب سے اسکیم کے تحت یکم ستمبر سے 30 اکتوبر تک دو ماہ کے ونڈو آپریشن کی سہولت فراہم کی گئی ہے۔
اماراتی حکام نے اس اسکیم کے تحت ان غیر قانونی رہائشیوں کو پُرکشش سہولت فراہم کی ہے جس کے ذریعے وہ اپنے قیام کو قانونی شکل دے سکتے ہیں یا جرمانے کی رقم ادا کیے بغیر اپنے وطن واپس جاسکتے ہیں۔
متحدہ عرب امارات کے حکام نے واضح کیا ہے کہ اس اسکیم کا اطلاق ان لوگوں پر نہیں ہوتا جو غیر قانونی طریقے سے متحدہ عرب امارات میں داخل ہوئے۔
علاوہ ازیں متحدہ عرب امارات میں پاکستانی سفارت خانے کی جانب سے ایسے پاکستانی شہریوں سے کہا گیا ہے کہ وہ اس موقع سے فائدہ اٹھاتے ہوئے یا تو اپنی حیثیت کو باقاعدہ قانونی بنائیں یا بحفاظت پاکستان واپس جائیں۔
متحدہ عرب امارات (یو اے ای) میں غیرملکیوں کیلئے خصوصی ویزا ایمنسٹی اسکیم متعارف
