جوبائیڈن نے پاکستانی شاعر رئیس وارثی کو اچیومنٹ ایوارڈ سے نوازا

نیویارک: امریکی صدر جو بائیڈن نے پاکستانی امریکن شاعر رئیس وارثی کو لائف ٹائم اچیومنٹ ایوارڈ سے نواز دیا۔
تفصیلات کے مطابق امریکی صدر جو بائیڈن نے پاکستانی امریکن شاعر اور ادیب رئیس وارثی کو لائف ٹائم اچیومنٹ ایوارڈ سے نوازا ہے۔
رئیس وارثی اردو مرکز نیویارک کے صدر ہیں اور گزشتہ 34 برس سے اردو کی عالمی سطح پر ترویج میں مصروف ہیں۔ انھوں نے اردو زبان کو اقوام متحدہ کی سرکاری زبانوں میں شامل کرنے کے لیے اقوام متحدہ میں پہلی اردو کانفرنس کا بھی انعقاد کیا تھا۔
پہلی اردو کانفرنس میں پاکستان اور بھارت کے سربراہوں اور اقوام متحدہ کے سیکریٹری جنرل نے بھی اردو کی اہمیت تسلیم کی تھی۔
رئیس وارثی کو پاکستان کی اوورسیز منسٹری کی جانب سے فخر پاکستان کا ایوارڈ بھی دیا جا چکا ہے۔ صدر جو بائیڈن کی جانب سے یہ میڈل نیویارک اسمبلی کی رکن جیسیکا گونزالز نے انھیں پیش کی