ڈھاکا: پاکستانی فلم انڈسٹری کی لیجنڈری اداکارہ شبنم نے اپنی 80ویں سالگرہ کے موقع پر پاکستان سے اپنی دیرینہ محبت کا اظہار کیا ہے۔ شبنم کا کہنا ہے کہ انہیں پاکستان سے بے پناہ محبت اور عزت ملی، یہاں تک کہ بعض مداحوں نے اپنی بیٹیوں کے نام بھی ان کے نام پر رکھے۔
شبنم نے کہا کہ انہیں پاکستان بہت یاد آتا ہے اور دل چاہتا ہے کہ ہوا میں اُڑتی ہوئی پاکستان پہنچ جائیں۔ انہوں نے اپنے فلمی سفر کے دوران اپنے دور کے تمام مقبول ہیروز کے ساتھ کام کیا، تاہم ندیم کے ساتھ ان کی جوڑی سب سے زیادہ مقبول رہی۔
لیجنڈری اداکارہ نے اپنے کیریئر میں مجموعی طور پر 160 فلموں میں کام کیا، جن میں اردو، بنگالی اور پنجابی فلمیں شامل ہیں۔ شبنم اور ندیم کی سپرہٹ جوڑی آج بھی مداحوں کے دلوں میں زندہ ہے۔
