جامعہ کراچی کی متعلقہ لیبارٹری آج گلستانِ جوہر سے ملنے والی پراسرار لاش کی ڈی این اے رپورٹ جاری کرے گی، جس سے یہ تعین ہو سکے گا کہ لاش میر رضا کی ہے یا کسی اور شخص کی۔
پولیس کے مطابق ڈی این اے کراس میچنگ کے لیے لیبارٹری کو مجموعی طور پر 6 سیمپلز موصول ہوئے، جن میں لاش سے حاصل کیے گئے 4 نمونے اور والدین کے 2 ریفرنس سیمپلز شامل ہیں۔
حکام کا کہنا ہے کہ ڈی این اے رپورٹ موصول ہوتے ہی لاش کی حتمی شناخت واضح ہو جائے گی۔ تفتیشی حکام کے مطابق رپورٹ میر رضا کیس میں اہم پیش رفت ثابت ہوسکتی ہے اور اس کے بعد قانونی و تفتیشی کارروائی کی سمت بھی طے کی جائے گی۔
