متحدہ عرب امارات میں جون کے مہینے کے لیے پیٹرول کی قیمتوں میں اضافہ کر دیا گیا ہے، جس کے تحت مختلف اقسام کے پیٹرول فی لیٹر مہنگے ہو گئے ہیں۔ تاہم ڈیزل کی قیمت میں کمی کی گئی ہے اور اب صارفین کو ڈیزل پہلے کے مقابلے میں سستا دستیاب ہوگا۔
نئی قیمتوں کے تحت سپر 98 پیٹرول کی قیمت 3.66 سے بڑھا کر 3.95 درہم فی لیٹر مقرر کی گئی ہے۔ اسی طرح اسپیشل 95 پیٹرول 3.83 درہم فی لیٹر میں دستیاب ہوگا جبکہ مئی میں اس کی قیمت 3.55 درہم تھی۔
متحدہ عرب امارات میں ای پلس پیٹرول کی قیمت 3.76 درہم فی لیٹر کر دی گئی ہے جو مئی میں 3.48 درہم تھی۔
امارات میں ڈیزل کی قیمت 4.69 درہم سے کم کرکے 4.33 درہم فی لیٹر مقرر کی گئی ہے۔
