ضلع کرم: شدت پسند گروہوں میں جھڑپ، کمانڈر سمیت متعددافراد ہلاک

ضلع کرم کے علاقے وسطی کرم میں شدت پسندوں کے دو گروہوں کے درمیان خونریز جھڑپ میں کمانڈر سمیت 18 شدت پسند مارے گئے۔ پولیس کے مطابق فائرنگ کا واقعہ مناتو کامران کلے میں پیش آیا، جہاں کاظم اور ممتاز امتی گروپوں کے درمیان شدید مسلح تصادم ہوا۔ جھڑپ کے دوران دونوں جانب سے بھاری ہتھیار استعمال کیے گئے۔ حکام کا کہنا ہے کہ ہلاک ہونے والوں میں شدت پسند کمانڈر ممتاز امتی بھی شامل ہے۔ واقعے کے بعد علاقے میں سیکیورٹی سخت کر کے سرچ آپریشن شروع کر دیا گیا ہے۔