امریکا نے دمشق ایئربیس پر عسکری موجودگی کی تیاری کرلی

امریکا نے دمشق ایئربیس پر عسکری موجودگی کی تیاری کرلی، شام کے ساتھ اسٹریٹیجک ری الائنمنٹ کا اشارہ بھی دےدیا گیا۔
عرب میڈیا نے بتایا کہ امریکا شام اور اسرائیل کے درمیان سیکیورٹی معاہدے کیلئے ایئربیس استعمال کریگا، امریکا نے شام کیساتھ اسٹریٹیجک ری الائنمنٹ کا اشارہ دےدیا، ایئربیس جنوبی شام کے اس علاقے کے قریب ہے جو ممکنہ ڈی ملیٹرائزڈ زون بنے گا۔
زون شام اسرائیل عدم جارحیت معاہدے کا حصہ ہوگا، امریکا مذاکرات کرارہا ہے، پیر کو ٹرمپ اور شامی صدر احمدالشرع کی وائٹ ہاؤس میں ملاقات طے ہے۔
عرب میڈیا نے بتایا کہ پینٹاگون حکام نے ایئربیس کا دورہ کرلیا، رن وے فوری استعمال کیلئے تیار ہے، ایئربیس لاجسٹکس، نگرانی، ری فیولنگ اور انسانی امداد کیلئے استعمال ہوگا۔
امریکا پہلے ہی شمال مشرقی شام میں داعش مخالف مشن کے تحت موجود ہے، ،امریکی و شامی حکام نے کہا کہ شام جلد داعش مخالف عالمی اتحاد میں شامل ہونے جارہا ہے