3سالوں میں دواسازی کی برآمدات 3ارب ڈالرز تک پہنچائیں گے، فارما انڈسٹری

اسلام آباد: فارما انڈسٹری وفد نے وزیرخزانہ سے ملاقات میں عزم ظاہر کیا ہے کہ 3سالوں میں دواسازی کی برآمدات 3ارب ڈالرز تک پہنچائیں گے۔
پاکستان فارماسیوٹیکل مینوفیکچررز ایسوسی ایشن کے وفد نے وزیرخزانہ محمد اورنگزیب سے ملاقات کی، صنعت کی برآمدی کارکردگی اور حکومت کے اصلاحاتی اقدامات پر تبادلہ خیال کیا گیا، وزیرخزانہ نے کہا کہ پاکستان کو عالمی فارماسیوٹیکل مارکیٹ میں اہم کھلاڑی بنانے کیلئے روڈمیپ چاہیے۔
وزیرخزانہ کو بریفنگ میں انھیں بتایا گیا کہ آئندہ 8 سالوں میں فارما کی برآمدات 10 ارب تک پہنچانے کی کوشش کرینگے۔
جاری اعلامیہ میں کہا گیا کہ عالمی فارماسیوٹیکل مارکیٹ اس وقت 1.6 ٹریلین ڈالر سے زیادہ ہے، دواسازی کی برآمدات میں 34 فیصد اضافہ ریکارڈ کیا گیا۔
وزیرخزانہ نے کہا کہ پاکستان کی فارماسیکٹر کی برآمدات میں 34 فیصد ترقی خوش آئند ہے، حکومت کی وسیع تر اقتصادی حکمت عملی برآمدات کو فروغ دینے کےلیے ہے۔
اعلامیہ میں کہا گیا کہ معاشی مشکلات کے باوجود مقامی صنعت کی کارکردگی اور صلاحیت بہتر ہوئی ہے، ریگولیٹری گیلوٹین اقدام سے بیوروکریٹک رکاوٹوں میں کافی حد تک کمی آئی،
جاری اعلامیہ میں کہا گیا کہ پروڈکٹ رجسٹریشن ٹائم لائنز کو 3 سے 4 سال پہلے سے صرف چند ہفتوں تک لایا گیا، وزیرخزانہ سینیٹر محمد اورنگزیب نے صنعت کی شاندار کارکردگی کو سراہا،
عالمی ادویہ سازی کی شرح نمو اوسطاً 5 فیصد کے قریب ہے، فارما انڈسٹری میں پاکستان کی ملکی ترقی 18 فیصد ہے، غیرمعمولی برآمدات کی شرح نمو 34 فیصد ہے۔
ملکی فارما انڈسٹری نے سالانہ سیل کے تمام ریکارڈ توڑ دیئے