ہم نے خوفزدہ کرنے والے کو آج جواب دیدیا، ظہران ممدانی

امریکا میں ظہران ممدانی تاریخ رقم کرتے ہوئے نیویارک سٹی کے پہلے مسلم میئر منتخب ہو گئے، 34 سالہ ڈیموکریٹک سوشلسٹ نے سابق گورنر اینڈریو کومو کو شکست دے کر امریکا کے سب سے بڑے شہروں میں ایک نئی سیاسی تاریخ رقم کر دی۔
غیر ملکی ذرائع ابلاغ کے مطابق نیویارک سٹی کے پہلے مسلم میئر ظہران ممدانی کا وکٹری کی تقریب سے خطاب کرتے ہوئے کہنا تھا کہ آج ایک نئے دن کا آغاز ہوا ہے، انہوں نے نیویارک کے عوام کا شکریہ ادا کیا۔
انہوں نے کہا کہ نیویارک کے عوام نے ثابت کردیا پاور ان کے ہاتھ میں ہے، گزشتہ بارہ مہینے کی انتخابی مہم میں تاریخ رقم کردی، انہوں نے کہا کہ مستقبل ہمارے ہاتھوں میں ہے، ہم نے نیویارک میں تاریخ رقم کردی ہے۔
ممدانی نے کہا کہ نیویارک میں موروثی سیاست کا خاتمہ کردیا، آپ کی وجہ سے آج ہم وکٹری پارٹی میں کھڑے ہیں، نیویارک نے آج تبدیلی کیلئے ووٹ دیا، ہم لیڈر شپ کے نئے دورمیں داخل ہورہے ہیں۔
انہوں نے کہا کہ یہ شہرآپ کا ہے، یہ جمہوریت آپ کی ہے، نیویارک کے ہر مزدور کا شکریہ، سب ہمارے ساتھ کھڑے ہیں، نیویارک کو ایسا بنائیں گے جہاں ورکنگ کلاس آسانی سے رہ سکیں۔
انہوں نے کہا کہ آج اس شہرمیں سانس لے رہے ہیں جس کا نیا جنم ہوا ہے، انتخابی مہم میں آپ نے انتھک محنت کی اب آپ سو سکتے ہیں۔
ظہران ممدانی کا کہنا تھا کہ آج خوف کی شکست اور امید کی جیت ہوئی ہے، ہمارے ساتھ جوہوا وہ سیاست نہیں سیاست اب ہوگی۔ صرف اس بات کا افسوس ہے کہ آج کا دن دیکھنے میں بہت وقت لگا۔
عوام کو تقسیم کرنے کی اجازت نہیں دیں گے، ملک میں جاری سیاسی اندھیرے میں NYC ایک اجالا بن کر ابھرا ہے، نیویارک میں اسلاموفوبیا کی کوئی گنجائش نہیں، اسلاموفوبیا کے نام پر نیویارک میں اب الیکشن نہیں لڑ سکتے۔
انہوں نے کہا کہ مجھے معلوم ہے ٹرمپ آپ میری تقریر دیکھ رہے ہیں، میری تقریرکی آواز بڑھائیں، ٹرمپ سن لیں نیویارک تاریک وطن کا شہر ہے اور رہے گا۔ ٹرمپ سن لیں تاریک وطن ہی نیویارک کوچلائیں گے۔
انہوں نے کہا کہ میں مسلمان ہوں، ڈیموکریٹک سوشلسٹ ہوں، میں مسلمان ہوں اور اس پر کسی سے معافی مانگنے کی ضرورت نہیں، NYC سے جو محبت کرتا ہے یہ بھی اس سے محبت کرتا ہے، کوئی ٹرمپ کو شکست دے سکتا ہے تو وہ نیویارک شہر ہے۔
واضح رہے کہ انتخابی مہم کے دوران ممدانی کو اسلاموفوبیا، نسل پرستی اور ٹرمپ کے حامی حلقوں کی جانب سے سخت مخالفت کا سامنا رہا، ڈونلڈ ٹرمپ نے کئی بار ان پر تنقید کی اور حتیٰ کہ انہیں ملک بدر کرنے کی دھمکی بھی دی۔
عوامی سیاست کا نیا چہرہ! نیویارک کے نئے میئر ظہران ممدانی کون ہیں؟
تاہم ممدانی نے اپنے پیغام پر قائم رہتے ہوئے کہا کہ“ ہم صرف اس شہر کو نہیں، بلکہ اس سوچ کو بدلنے آئے ہیں جو سمجھتی ہے کہ عام لوگ کچھ نہیں بدل سکتے