سی ٹی ڈی:انٹیلیجنس بیسڈ آپریشنز میں 18 دہشت گرد گرفتار

سی ٹی ڈی نے پنجاب میں ایک ماہ کے دوران 386 انٹیلیجنس بیسڈ آپریشنز میں 18 دہشت گرد گرفتار کر لیے۔
محکمۂ انسداد دہشت گردی (سی ٹی ڈی) نے ایک ماہ کے دوران پنجاب کے مختلف شہروں میں 386 انٹیلی جنس بیسڈ آپریشنز کے دوران 18 دہشت گرد کو گرفتار کرلیا۔
ترجمان سی ٹی ڈی کا کہنا ہے کہ یہ کارروائیاں لاہور، خوشاب، بہاولپور، گوجرانوالہ، نارووال سمیت دیگر شہروں میں کیں، کارروائیوں کے دوران انتہائی خطرناک دہشت گرد تنظیم کے اہم رکن کو بھی گرفتار کیا گیا۔
ترجمان سی ٹی ڈی کے مطابق ملزم پنجاب کے ایک شہر میں دہشت گردی کی پلاننگ مکمل کر چکا تھا، گرفتار دہشت گردوں سے دھماکا خیز مواد، بم، ڈیٹونیٹر، فیوز وائر، نقدی اور پرائمہ کارڈ برآمد ہوا۔
ترجمان کا مزید کہنا ہے کہ رواں ماہ کے 4601 کومبنگ آپریشنز میں 320 مشتبہ افراد گرفتار  کیے گئے، کومبنگ آپریشنز کے دوران 109892 افراد سے پوچھ گچھ کی گئی۔