استنبول مذاکرات : پاکستان نے افغان طالبان کو حتمی مؤقف پیش کردیا، ذرائع

استنبول میں ہونے والی بات چیت میں پاکستانی وفد نے افغان طالبان کو حتمی موقف پیش کر دیا، طالبان کے دلائل زمینی حقائق سے ہٹ کر ہیں۔
رہنما نیوز کے مطابق سیکیورٹی ذرائع نے کہا ہے کہ استنبول میں ہوئی بات چیت میں پاکستانی وفد نے افغان طالبان کو حتمی موقف سے آگاہ کردیا ہے، ان پر یہ واضح کردیا گیا ہے کہ افغان طالبان کی طرف سے کی جانے والی دہشت گردوں کی سر پرستی نامنظور ہے۔
سیکیورٹی ذرائع نے مزید بتایا کہ پاکستانی وفد نے واضح کیا دہشت گردی کے خاتمے کیلئے ٹھوس اور یقینی اقدامات کرنے پڑیں گے۔
اس کے برعکس طالبان کے دلائل غیرمنطقی اور زمینی حقائق سے ہٹ کر ہیں، نظر آرہا ہے کہ طالبان کسی اور ایجنڈے پر چل رہے ہیں۔
سیکیورٹی ذرائع نے کہا کہ یہ ایجنڈا افغانستان، پاکستان اور خطے کے استحکام کے مفاد میں نہیں ہے، مذاکرات میں مزید پیشرفت افغان طالبان کے مثبت رویے پر منحصر ہے۔