کراچی: پاکستان کی آئی ٹی برآمدات نے پہلی بار ایک سہ ماہی میں ایک ارب ڈالر کا ہدف عبور کرلیا، گزشتہ سال کے مقابلے میں 20 فیصد اضافہ ہوا۔
مالی سال 26-2025 کی پہلی سہ ماہی میں آئی ٹی برآمدات 1.057 ارب ڈالرز ریکارڈ کی گئیں، گزشتہ سال کے مقابلے میں اس بار آئی ٹی برآمدات میں 20 فیصد اضافہ دیکھنے میں آیا، پاکستانی آئی ٹی کمپنیوں کی خلیجی اور یورپی منڈیوں میں توسیع سے برآمدات میں نمایاں اضافہ ہوا۔
اسٹیٹ بینک نے بتایا کہ جولائی تا ستمبر آئی ٹی برآمدات 877 ملین سے بڑھ کر 1.057 ارب ڈالر ہوگئیں، ستمبر 2025 میں ریکارڈ 366 ملین ڈالرز کی ماہانہ آئی ٹی برآمدات ہوئیں۔
نائب صدر نے برآمدات بڑھنے کے حوالے سے کہا کہ حکومتی پالیسیوں اور ایس آئی ایف سی اقدامات کے مثبت اثرات سامنے آئے ہیں۔
آئی ٹی کمپنیاں ای آر پی، خودکار نظام، سائبر سیکیورٹی اور مصنوعی ذہانت پر کام کررہی ہیں، پاکستانی فری لانسرز عالمی پلیٹ فارمز پر منصوبے مکمل کرکے زرمبادلہ کما رہے ہیں۔
پہلی سہ ماہی کی کارکردگی سامنے آنے کے بعد پاکستان کی آئی ٹی برآمدات 4 ارب ڈالرز سے تجاوز کرنے کا امکان ہے۔
آئی ٹی ماہرین اور اداروں کی تربیت سے نوجوانوں کیلئے نئے مواقع پیدا ہورہے ہیں، حکومت کا ہدف 5 ارب ڈالرز “اڑان پاکستان” پروگرام کے تحت ممکن قرار دیا جارہا ہے۔
آئی ٹی برآمدات میں سالانہ کتنا بڑا اضافہ ہوا؟ اسٹیٹ بینک نے رپورٹ جاری کردی
