عمیر جسوال نے شادی کی پہلی سالگرہ پر اپنی اہلیہ کی تصویر شیئر کردی

گلوکار و اداکار عمیر جسوال نے شادی کی پہلی سالگرہ پر اپنی اہلیہ کی تصویر شیئر کردی ہے جو سوشل میڈیا پر وائرل ہوگئی۔
گلوکار و اداکار عمیر جسوال نے فوٹو اینڈ شیئرنگ ایپ انسٹاگرام پر شادی کے ایک سال بعد اپنی شریک حیات کی تصویر شیئر کردی، جس پر مداحوں نے تبصرے کرتے ہوئے ان کی اہلیہ کو خوبصورت قرار دیا۔
عمیر جسوال نے تصویر شیئر کرتے ہوئے کیپشن میں مقدس کتاب قرآن پاک کی آیت لکھی، اداکار کی جانب سے کیپشن میں جو آیت لکھی گئی اس کا مفہوم ہے کہ ’میں اللہ تعالی کی مخلوق کے شر سے اللہ تعالی کے مکمل کلمات کی پناہ چاہتا ہوں‘۔
جسوالنے تصویر پر لکھا میری خوبصورت بیوی کے نام، تم میری زندگی میں تیز دھوپ میں سایہ ہو، وہ رزق ہو جس کے لیے میں نے دعا مانگی تھی، تم میری مسکراہٹ کی سکون ہو، اللہ تمہیں ہمیشہ محفوظ رکھے اور یہ نورانی ہمیشہ میرے گرد رہے، میری محبت، سالگرہ مبارک
عمیر جسوال نے اہلیہ کی تصویر شیئر کرتے ہوئے ان سے متعلق مزید کوئی معلومات فراہم نہیں کی، ان کی تصویر پر مداحوں نے تبصرے کرتے ہوئے ان کی اہلیہ کی خوبصورتی، لباس اور پردے کرنے کی عمل کی تعریفیں کیں۔
یار رہے کہ عمیر جسوال نے پہلی شادی اداکارہ ثنا جاوید سے جولائی 2020 میں کی تھی اور ان کے درمیان 2023 میں طلاق ہوگئی تھی، عمیر جسوال نے اکتوبر 2024 میں انسٹاگرام پر اپنی عروسی لباس کی تصاویر شیئر کی تھیں، جس پر شوبز شخصیات اور مداحوں نے انہیں شادی کی مبارک باد پیش کی تھی۔