پاکستان اور بھارت کے درمیان کھیلے جانے والے ایشیا کپ 2025 کے فائنل میچ کے بعد ٹرافی کی تقریب تاخیر کا شکار ہوگئی۔ بھارتی ٹیم نے محسن نقوی سے ٹرافی لینے سے انکار کردیا۔
اس حوالے سے ذرائع کا کہنا ہے کہ بھارت کی ٹیم چئرمین پی سی بی محسن نقوی سے وننگ ٹرافی لینے کو تیار نہیں ہے، محسن نقوی ایشین کرکٹ کونسل کے صدر بھی ہیں۔
موصولہ اطلاعات کے مطابق چیئرمین پی سی بی محسن نقوی بھی پیچھے ہٹنے کو تیار نہیں ہیں،بھارتی بورڈ کے ایما پر بھارتی ٹیم کی ہٹ دھرمی برقرار ہے۔
بھارت کی جانب سے کھیل میں سیاست کو گھسیٹنے کی روایت جاری ہے، بھارتی ٹیم کے انکار کے بعد ایشیا کپ ٹرافی ایشین کرکٹ کونسل کے دفتر میں پہنچا دی گئی۔
دبئی میں ایشیا کپ2025کی اختتامی تقریب شروع کردی گئی، چیئرمین ایشین کرکٹ کونسل محسن نقوی اسٹیج پر موجود ہیں جبکہ میچ ریفری رچی رچرڈسن اختتامی تقریب سے پہلےاسٹیڈیم سے روانہ ہوگئے۔
محسن نقوی دباؤ کے باوجود خود ٹرافی پیش کرنے کے اپنے فیصلے پر قائم رہے، اور نتیجتاً ٹرافی دیے بغیر ہی تقریب ختم کر دی گئی۔
اس حوالے سے تجزیہ کاروں کا کہنا ہے کہ کبھی بھی کرکٹ کے کھیل میں بھارت جیسی گندی سیاست نہیں دیکھی جتنی کہ اس ایشیا کپ میں دکھائی گئی ہے۔
یاد رہے کہ ایشیا کپ کے گزشتہ میچ کے دوران بھارتی ٹیم نے ہٹ دھرمی کا مظاہرہ کرتے ہوئے پاکستانی ٹیم سے ہاتھ نہیں ملایا اور نہ ہی فائنل سے قبل بھارتی کپتان نے پاکستانی کپتان کے ساتھ تصویر بنوائی۔
بھارت نے سنسنی خیزمقابلے کے بعد ایشیاکپ جیت لیا
