بالی ووڈ کے میگا اسٹار امیتابھ بچن نے ’کون بنے گا کروڑ پتی سیزن 17‘ کی حالیہ قسط میں سامعین کو محظوظ کیا، اداکار نے اہلیہ جیا بچن کے بارے میں مذاق جس پر لوگ قہقہ لگائے بنا نہ رہ سکے۔
امیدوار آشا دھریان نے امیتابھ سے اہلیہ کی تعریف میں کچھ کہنے کو کہا۔ جواب میں اداکار نے کہا کہ ’دیوی جی ہماری شادی کو 52 سال ہوگئے ہیں، ان سالوں میں انہوں نے ہمیں جھیلا ہے اس سے زیاہ ظرف کیا ہوسکتا ہے۔
اس کے بعد آشا نے اپنی محبت کی کہانی بتائی اور کہا کہ کس طرح ان کے شوہر کو پہلی نظر میں پیار ہوگیا تھا، انہوں نے بتایا کہ ایک مرتبہ شوہر کی چھوٹے قد والی دوست نے مجھ سے ان کی شکایت کی تھی اور وہ ڈانٹ رہی تھیں۔
امیتابھ نے کہا کہ ہمیں آپ کی ساری باتیں اچھی لگیں پر ایک بات جو آپ نے بولی کے میری دوست اتنی سی تھی اور اوپر دیکھ کر میرے شوہر کو دھمکا رہی تھی وہ ہمارے لیے کوئی نئی بات نہیں ہے۔
اداکار کا یہ کہنا تھا کہ لوگ فوری پہچان گئے وہ اہیہ جیا بچن کے بارے میں بات کررہے ہیں۔
کام کے محاذ پر امیتابھ بچن کو آخری بار سائنس فائی ایپک کالکی 2898 اے ڈی میں دیکھا گیا تھا، جس میں پربھاس اور دیپیکا پڈوکون نے اداکاری کی تھی
