اداکارہ صائمہ قریشی نے بھی حال ہی میں پوڈ کاسٹ میں شرکت کی جہاں ان سے ماضی کے متنازع بیان سے متعلق گفتگو کی گئی۔
انہوں نے کہا کہ میں آج بھی اپنے ماضی کے بیان پر قائم ہوں کہ برکت صرف مرد کی کمائی میں ہی ہوتی ہے۔
میزبان نے سوال کیا کہ آپ خود کاروبار چلاتی ہیں پھر آپ ایسا کیوں کہہ رہی ہیں اگر ایسا ہے تو آپ بھی تو کما رہی ہیں؟
جواب میں صائمہ قریشی نے کہا کہ اگر میں کماؤں نہیں تو کیا کروں؟ میں سنگل مدر ہوں گھر مجھے ہی دیکھنا ہے اسی بنیاد پر کہہ رہی ہوں کہ برکت نہیں۔
اداکارہ نے کہا کہ اگر میری کمائی میں برکت ہوتی تو ممکن ہے کہ میں اپنا گھر بناچکی ہوتی لیکن آج بھی کرائے کے گھر میں رہائش پذیر ہوں۔
میزبان نے سوال کیا تو کیا اگر آپ مرد ہوتی تو گھر بن جاتا؟
جواب میں انہوں نے کہا کہ ممکن ہے کہ اگر میں مرد ہوتی تو اپنا گھر بنا چکی ہوتی، مجھے آج بھی یہی لگتا ہے کہ مرد کی کمائی میں برکت ہے۔
اداکارہ نے کہا کہ وہ تمام خواتین کما رہی ہیں اور اپنے گھروں میں خوش ہیں اور سمجھتی ہیں کہ ان کی کمائی میں برکت ہے تو ایسا نہیں ہے انہیں کہیں نہ کہیں فیملی سپورٹ حاصل ہے، یا پھر انہوں نے شادی کرلی تو ان کے پاس شوہر کی سپورٹ ہے۔
صائمہ قریشی نے مزید کہا کہ میں ان خواتین کی بات کر رہی ہوں جو اکیلی کمانے والی ہیں
