ہائر ایجوکیشن کمیشن میں نئی ملازمتوں کا اعلان کر دیا

پنجاب حکومت نے ہائر ایجوکیشن کمیشن میں نئی ملازمتوں کا اعلان کر دیا، درخواست جمع کروانے کی آخری تاریخ 25 ستمبر ہے۔
وزیر تعلیم پنجاب رانا سکندر حیات نے سوشل میڈیا پلیٹ فارم ایکس پر پنجاب ہائر ایجوکیشن کمیشن میں ملازمتوں کا اعلان کیا۔ انہوں نے لکھا کہ درخواست جمع کروائیں اور محکمے کا حصہ بنیں۔
رانا سکندر حیات نے بتایا کہ درخواست جمع کروانے کی آخری تاریخ 25 ستمبر 2025 ہے۔ انہوں نے درخواست دہندگان کی آسانی کیلیے لنک بھی شیئر کیا۔
درخواست دہندگان کی عمریں 40 سے 65 سال کے درمیان ہونی چاہئیں جبکہ ماہانہ تنخواہ 50 ہزار سے ساڑھے تین لاکھ روپے کے درمیان ہے۔

درخواست دینے کا طریقہ

دلچسپی رکھنے والے امیدوار 25 ستمبر 2025 تک آن لائن درخواست فارم جمع کرائیں
آن لائن درخواست فارم کی صحیح دستخط شدہ ہارڈ کاپی سی وی، قومی شناختی کارڈ کی کاپی، تعلیمی و پیشہ ورانہ سرٹیفکیٹس کی کاپی اور حالیہ رنگین تصاویر کے ساتھ 26 ستمبر 2025 شام 5 بجے تک رجسٹرڈ کورئیر یا پوسٹ کے ذریعے دیے گئے پتے پر جمع کروائیں
درست بینک ڈرافٹ یا پے آرڈر یا ڈپازٹ سلپ موصول ہونے کے بعد ہی درخواست پر غور کیا جائے گا
ڈائرکٹر جنرل اور ڈائریکٹر کے عہدے کیلیے 2000 روپے، ڈپٹی ڈائریکٹر کیلیے 1500 روپے، پرسنل اسٹاف آفیسر، اسسٹنٹ ڈائریکٹر، اکاؤنٹنٹ، نیٹ ورک اسسٹنٹ اور ریسرچ اسسٹنٹ کی پوسٹ کیلیے 1000 روپے ہیں
بینک آف پنجاب اکاؤنٹ نمبر 6580045615700054 برانچ کوڈ 0320
درخواست دہندگان کو ہر پوسٹ کیلیے علیحدہ علیحدہ درخواست دینی ہوگی جس میں پوسٹ کا نام لفافے پر واضح طور پر درج ہے
پہلے سے سروس میں موجود افراد کو چاہیے کہ وہ اپنی درخواستیں مناسب چینل (یعنی ڈپارٹمنٹ این او سی) کے ذریعے جمع کرائیں
امیدواروں کا پنجاب ڈومیسائل ہونا ضروری ہے