بھارتی پنجابی فلم سردار جی 3 کا ٹریلر ریلیز کردیا گیا، پاکستانی سپراسٹار ہانیہ عامر کے مداح فلم کا ٹریلر دیکھ کر خوشگوار حیرت میں مبتلا ہوگئے۔
شائقین بڑی اسکرین پر فلم دیکھنے کےلیے بیتاب ہورہے ہیں کیوں کہ ان کی پسندیدہ اداکارہ ہانیہ عامر بھی فلم کا حصہ ہیں اور وہ فلم میں کافی پاورفل کردار میں نظر آرہی ہیں۔
ٹریلر کے منظر عام پر آتے ہی سوشل میڈیا پر مداحوں کی جانب سے خوشی کا اظہار کیا جا رہا ہے۔فلم 27 جون 2025ء کو بین الاقوامی سطح پر ریلیز کی جا رہی ہے اور اس کے ٹریلر نے پہلے ہی شائقین کی توجہ حاصل کر لی ہے، فلم سے توقع کی جا رہی ہے کہ یہ باکس آفس پر شاندار کامیابی حاصل کرے گی۔
اس سے قبل خبریں آئی تھیں کہ پاکستانی اداکارہ ہانیہ عامر کو مبینہ طور پر دلجیت دوسانجھ کی فلم ’سردار جی 3‘ سے باہر کردیا گیا ہے، تاہم ایسا نہیں ہوا اور وہ فلم میں نظرآرہی ہیں۔
