ترکیے کے تاریخی شہر گورڈین کے قریب تقریباً 2,800 سال پرانا شاہی مقبرہ دریافت کیا گیا ہے یہ مقبرہ فرائجیا بادشاہت کا حصہ ہے جس کے بادشاہ مائیڈس کا نام تاریخ کے اوراق میں محفوظ ہے۔ اس مقبرے کومائیڈس کے والد کی قبر سمجھا جاتا ہے۔ جلی ہوئی انسانی باقیات گورڈین کی تاریخ میں سب سے قدیم لاشوں کو جلانے کی مثال ہے۔ اس مقبرے کے اندر بہت سی قدیم شاندار اشیا بھی ملیں۔ جس میں کانسی کے برتن، آب خورے، کٹوریاں اور یہاں تک کہ کچھ اب بھی لوہے کے کیلوں سے دیواروں پر لٹکی ہوئی اشیا ملیں جو کہ شاہی دعوتی رسم یا فاتحانہ رسومات کی نمائندگی کرتی ہیں۔
