کرکٹ آسٹریلیا نے اسپنر میتھو کوہنیمن کا بولنگ ایکشن مشکوک قرار دیئے جانے کی تصدیق کردی۔
میتھیو کوہنیمن نے آسٹریلیا کو سری لنکا کیخلاف ٹیسٹ سیریز میں فتح دلانے میں اہم کردار ادا کیا تھا، انہوں نے سیریز میں سب سے زیادہ 16 وکٹیں حاصل کی تھیں۔
گال ٹیسٹ کے میچ آفیشلز نے لیفٹ آرم آسٹریلوی اسپنر کے ایکشن کو مشکوک قرار دیا تھا۔
کرکٹ آسٹریلیا کا کہنا ہے کہ میتھیو کوہنیمن کے بولنگ ایکشن کو گال میں ہونیوالے دوسرے ٹیسٹ میچ میں مشکوک قرار دیا گیا، کوہنیمن کے بولنگ ایکشن کا اب باضابطہ تجزیہ کرایا جائے گا۔
کرکٹ آسٹریلیا کے مطابق کوہنیمن کے بولنگ ایکشن کا تجزیہ رپورٹ ہونے کے 14 روز کے اندر کرایا جائے گا، میتھیو کوہنیمن ڈومیسٹک کرکٹ میں بولنگ کرسکتے ہیں تاہم وہ انٹرنیشنل لیول پر بولنگ نہیں کراسکتے۔
