خون اتھارٹی اور انسانی اعضا پیوند کاری اتھارٹی تحلیل کرنے کا فیصلہ

اسلام آباد : حکومت نے وزارت صحت کے ماتحت اسلام آباد انتقال خون اتھارٹی اور انسانی اعضا پیوند کاری اتھارٹی تحلیل کرنے کا فیصلہ کرلیا۔
تفصیلات کے مطابق حکومت نے وزارت صحت کے ماتحت دو اتھارٹیز تحلیل کرنے کا فیصلہ کرلیا ، ذرائع نے بتایا کہ اسلام آباد انتقال خون اتھارٹی،انسانی اعضاپیوندکاری اتھارٹی تحلیل ہوں گی۔
ذرائع کا کہنا تھا کہ آئی بی ٹی اے، ہوٹارائٹ سائزنگ کمیٹی کی سفارش پر ضم ہو رہی ہیں جبکہ اسلام آباد ہیلتھ کیئر اتھارٹی کا دائرہ کار وسیع کیا جا رہا ہے۔
ذرائع نے بتایا کہ آئی بی ٹی اے،ایچ او ٹی اےاسلام آباد ہیلتھ کیئر اتھارٹی میں ضم ہوں گے جبکہ آئی بی ٹی اے، ہیومن آرگن ٹرانسپلانٹ اتھارٹی کا عملہ کم کیا جائے گا۔
ذرائع نے مزید کہا کہ آئی بی ٹی اے،ایچ او ٹی اے ضم ہونے پر عملے میں 80 فیصد کمی آئےگی اور اسلام آباد ہیلتھ کیئر ریگولیٹری اتھارٹی کے عملے میں نمایاں کم ہو گی۔