پیرس اولمپکس میں گولڈ میڈل اپنے نام کرنے والے پاکستانی اتھلیٹ ارشد ندیم کو وزیر اعلیٰ پنجاب مریم نواز نے بڑے انعامات سے نواز دیا۔
جیولن تھرو مقابلے میں گولڈ میڈل جیتنے والے ارشد ندیم کے لیے بڑی سیاسی شخصیات کی جانب سے انعامات دینے کا اعلان کیا گیا تھا، جن میں وزیر اعلیٰ مریم نواز بھی شامل تھی۔
مریم نواز طلائی تمغہ جیتنے والے عالمی چیمپین ارشد ندیم کے گھر ہیلی کاپٹر کے ذریعے ان سے ملاقات کے لیے ان کے گاؤں میاں چنوں پہنچیں۔
وزیر اعلیٰ مریم نے ارشد ندیم کی والدہ محترمہ رضیہ پروین کو گلے لگا لیا اور انہیں مبارکباد پیش کی۔
