وائٹ ہاؤس کی قومی سلامتی کے ترجمان جان کربی نے کہا کہ امریکا نے گزشتہ ہفتے کے دوران مشرق وسطیٰ میں ایران اور اس کے حامیوں کی جانب سے ممکنہ حملوں کی دھمکی کے بعد دفاع کے لیے پوری تیاری کر لی ہے۔
جان کربی نے کہا کہ امریکا نے خطے میں عسکری طاقت میں اضافہ کردیا ہے اور ایران اور لبنان میں حزب کی دھمکیوں کے بعد جو خدشات اسرائیل کو لاحق ہیں ہمیں بھی اسی طرح کے خدشات ہیں۔
انہوں نے کہا کہ “ہم وہی خدشات اور توقعات رکھتے ہیں جو ہمارے اسرائیلی ہم منصبوں کو ایران اور لبنان کے حوالے سے ہیں، ہمیں اس کے لیے تیار رہنا ہوگا جو حملوں کا ایک اہم مجموعہ ہو سکتا ہے’۔
ترجمان وائٹ ہاؤس نے کہا کہ ’ہم نہیں چاہتے کہ اسرائیل کو ایک اور حملے کے خلاف اپنا دفاع کرنا پڑے، جیسا کہ انہوں نے اپریل میں کیا تھا لیکن اگر ایسا ہوا تو ہم اپنے دفاع میں ان کی مدد کرتے رہیں گے۔
پینٹاگون نے اتوار کو کہا تھا کہ وزیر دفاع لائیڈ آسٹن نے گائیڈڈ میزائل آبدوز کو مشرق وسطیٰ اور ابراہم لنکن کیریئر اسٹرائیک گروپ کو خطے میں اپنی تعیناتی کو تیز کرنے کے لیے تعینات کرنے کا حکم دیا ہے۔
لیکن ایک امریکی اہلکار نے غیر ملکی خبررساں ادارے ’رائٹرز‘ کو بتایا کہ لنکن کیریئر اسٹرائیک گروپ اس وقت بحیرہ جنوبی چین کے قریب ہے اور ممکنہ طور پر اسے مشرق وسطیٰ تک پہنچنے میں ایک ہفتے سے زیادہ وقت لگے گا۔
