بھارتی شہر بنگلورو میں ٹریفک پولیس اہلکار نے بہادری کا مظاہرہ کرتے ہوئے اسکوٹر پر فرار ہونے والے چور کو پکڑ لیا۔
میڈیا رپورٹ کے مطابق بنگلورو پولیس کے ایک کانسٹیبل نے اپنی جان خطرے میں ڈال کر 40 مقدمات میں ملوث ایک چور کو پکڑ لیا، ملزم کے فرار ہونے کی کوشش میں پولیس اہلکار نے گر کر اسے پکڑا۔
رپورٹ کے مطابق چور کی شناخت 40 سالہ منجیش کے نام سے ہوئی جو بنگلورو کے ہیسرا گھٹہ علاقے سے تعلق رکھتا ہے۔ پولیس کو ملزم کی کئی ماہ سے تلاش تھی۔ ٹریفک پولیس نے انٹیلیجنس کی مدد سے چور کو ٹریفک سگنل کے قریب پکڑا۔
